Саем на бизнис и претприемништво во ОСУ Јовче Тесличков. Учениците пред присутните покажаа што работеле во виртуелните компании. На тој начин многу подобро се подготвуваат за да излезат на пазарот на трудот. Во популарно наречените тренинг фирми учениците работат голем дел од учебната година. Токму таму го стекнуваат и практичното искуство во текот на своето образование.

„Виртуелните училишни компании се основани од учениците. Тие во нив учат како да регистрираат фирма, да изберат менаџер, ја спроведуваат постапката на вработување со тоа што пријавуваат вработени. Тргуваат по електронски пат со останати вуртуелни фирми и секако склучуваат договори“, рече Нада Јованова директор на СОУ „Јовче Тесличков“ Велес.

Саемот на бизнис и претприемништво се одржува по седми пат. Училиштето ја користи можноста на овој ден да им го претстави образовниот процес на осмоодделенците кои доаѓаат но и да ги привлечат тоа да биде нивната следна дестинација.

„Начинот на работење на ова училиште потврдува дека сме на прав пат, конкретно од економската и бизнис струка,затоа што тоа е сегментот што ја води општината во позитивна насока“, рече Славчо Чадиев градоначалник на општина Велес.

На семот присутни беа претставници на банките, Општината, останатите училишта и институции во градот.